Øvre Suldal grendeutval inviterar til ope grendamøte om handlingsplan for framtidas bustadmarknad
I kommunestyret 6. mars i sak 015/25 vart det vedtatt å senda utkast til «Plan for framtidas bustadmarknad for Suldal kommune 2025-28» til grendautvala for høyring.
For at grendautvalet skal ha best mogleg bakgrunn for å gi ein uttale ønskjer me innspel. Me vonar at spesielt de som er unge og vurderer å etablera dykk i Øvre Suldal, møter opp. Me ønskjer at Øvre Suldal skal vera ein attraktiv plass å bu på og ein fin plass for born å veksa opp på. Derfor er det viktig at så mange som mogeleg kjem med innspel. Ønskjer du å lesa heile planutkastet på førehand, kan du senda e-post til tor.inge.havrevoll@gmail.com så skal me senda deg planen.