Me kan tilby

Hos oss får du betalt lunsjpause! Det betyr at du i praksis jobbar 100 timar mindre i året, enn dei som ikkje har betalt lunsjpause. 

Me har eit aktivt velferdsutval som jobbar for at det skal vera sosialt på jobb. Kvart år arrangerer dei sommarfest på ulike stader i kommunen. Her blir du invitert til eit godt måltid og felles aktivitetar med kollegaer på tvers av arbeidsplassene. 

Velferdsutvalet inviterer deg også til Kom-i-form-konkurranse, og felles fjellturar i kommunen, der du kan bli premiert om du er aktiv. Innimellom kan du også bli invitert på middag og foredrag. 

​

Det kan vera mange ulike grunnar i ulike fasar av livet som gjer du som tilsett ønskjer fleksibilitet når det kjem til arbeidstid. For tilsette utan fast arbeidsplan eller turnus, er det moglegheit for å legge opp ein eigen arbeidsdag mellom kl. 07.00 og 17.00. Du kan også avspasera opptil heile 12 dagar i året. 

For tilsette som har fast arbeidsplan vil me prøva å vera så fleksible som mogleg for å legga til rette for tilsette, særleg når det kjem til familiære behov. Frå 2023 starta me med årsturnus i helse, kor eit av måla er å skapa ei føreseieleg arbeidstid som er berekraftig i alle livsfasar. 

For nokon vil heimekontor også vera ei løysing som får kvardagen til å bli eit enklare reknestykke. Våre tilsette kan gjera avtale om heimekontor opp til 1 dag i veka med sin næraste leiar. 

Me gir følgjande tillegg på årsløn ved tilsetjing: 

Me ønskjer å behalda våre tilsette, og å vera ein attraktiv arbeidsgjevar for ny arbeidskraft. Difor har me i tillegg til tariffavtalen som er laga mellom KS og arbeidstakarorganisasjonane, eit tillegg som går utover tariff for nokon stillingar (stillingskodar). 

• Tilsette i kapittel 4 med høgare utdanning som ikkje fell under ein av gruppene under: 10 000 kroner

Sjukepleiar og spesialsjukepleiar

• Sjukepleiarar: 25 000 kroner
• Sjukepleiarar natt: 27 000 kroner
• Spesialsjukepleiar: 30 000 kroner
• Sjukepleiarar og spesialsjukepleiarar startar med løn som om dei har 8 års ansiennitet

Fysioterapeutar

• Spesialfysioterapeut: 15 000 kroner

Vernepleiar

• Vernepleiar med særaldersgrense med arbeidsplass på Suldal bu- og aktivitetstiltak: 20 000 kroner

Pedagogisk leiar i barnehagar

Gjeld ikkje dei som er på dispensasjon frå utdanningskravet

• Pedagogisk leiar i barnehage under 10 års ansiennitet: 30 000 kroner
• Pedagogisk leiar i barnehage 10 års ansiennitet: 32 000 kroner
• Pedagogisk leiar i barnehage 16 års ansiennitet: 37 000 kroner

Pedagogisk psykologisk rådgjevar

• Pedagogisk psykologisk rådgjevar: 10 000 kroner

Fagarbeidarar

• Fagarbeidar natt: 17 000 kroner
• Teknisk drift - alle medarbeidarar både ufaglærte og fagarbeidarar: 10 000 kroner
• Barnepleiar: 10 000 kroner
• Barne- og ungdomsarbeidar: 10 000 kroner
• Omsorgsarbeidar: 10 000 kroner
• Fagarbeidar i stillingskode 6986: 10 000 kroner
• Hjelpepleiarar: 10 000 kroner
• Spesialhjelpepleiar: 10 000 kroner
• Fagarbeidar med fagskuleutdanning: 10 000 kroner

Funksjonstillegg

I tillegg ønskjer me å visa at me set pris på tilsette som gjer oppgåver som naturleg ikkje ligg til stillinga. 

Fagansvarleg

• For fag me har lærlingar (gjeld ikkje barne- og ungdomsarbeidar, eller helsefagarbeidar): 10 000 kroner
• Fagansvarleg for barne- og ungdomsarbeidarfaget: 21 575 kroner
• Fagansvarleg for helsearbeidarfaget: 26 575 kroner

Instruktørar

• Instruktør lærling barne- og ungdomsarbeidarfaget: 15 000 kroner
• Instruktør lærling helsearbeidarfaget: 20 000 kroner

Spesialpedagogar

• Spesialpedagog i barnehage: 18 000 kroner

Lærarar

• Lærar som har spesialpedagogiske oppgåver, eller norsk 2, og som ikkje har funksjonstillegg som konktaktlærar: 18 000 kroner
• Sosiallærar: 26 000 kroner
• Rådgjevar: 26 000 kroner
• Kontaktlærar for 1-12 elevar: 18 000 kroner
• Kontaktlærar for 13-16 elevar: 20 000 kroner
• Kontaktlærar for 17-24 elevar: 26 000 kroner
• Kontaktlærar for 25 elevar eller fleire: 32 000 kroner

Ein leiar jobbar innimellom utanfor normal arbeidstid. Me ønskjer ikkje at dette skal gå for mykje utover fritida di, og livet utanfor jobb. Difor gir me deg som leiar opp mot 10 ekstra dagar fri i året, som du kan bruka på det du sjølv ønskjer. 

Me er ein aktiv brukar av bedriftshelsetenesta, noko me håpar er ein styrke for våre tilsette. Bedriftshelsetenesta nyttar me til alt frå arbeidsplassvurderingar og oppfølging av sjukefråvær til tilbod om samtale med psykolog for abeidsrelaterte vanskar. 

Me ser at det kan vera fint å engasjera seg i eit lokallag når ein flyttar til ein ny kommune, eller ein ny stad i kommunen - for å skapa nettverk og å gjera seg kjent med kommunen utanfor arbeid. Difor sponsar me førstegongstilsette hos oss med eit års medlemskap i eit lag, organisasjon eller forening.