Vass- og avløpsanlegg

Som ein hovudregel er eigar ansvarleg for alle røyr frå eiga tomt/eigedom og fram til og med koplingspunkt på kommunale røyr. Dette gjeld både vatn, avløps- og overvatn. Det same gjeld ulike typar anlegg på eiga tomt, som til dømes pumpestasjonar, minireinseanlegg, feitt- og oljeutskillar og septiktankar.  

Eigar må sjølv kontakta røyrleggar og utbetra feil og manglar ved påvist lekkasje på vatn, avløps- eller overvassrøyr. 

Ved utskifting av hovudleidningsnettet til kommunen kan kommunen krevja at eigar må skifta ut vass- og avløpsrøyra sine, eller separera (splitta) avløp og overvatn dersom desse ikkje tilfredsstiller dagens krav.

Illustrasjonane under visar eigarskap når private leidningar er kopla til kommunale vass- og avløpsleidningar.

Fleire i Suldal kommune har eigne pumpestasjonar som pumpar kloakken til næraste kommunale avløpsrøyr. Ein del har òg eigne reinseanlegg som tek imot og reinsar avløpsvatnet frå bustaden. Desse anlegga treng jamleg service og vedlikehald for å fungera optimalt.  

Me tilrår at du opprettar ein årleg serviceavtale med eit firma som kan utføra dette for deg.  

Skal du byggja eller gjera endringar på vass- og avløpsanlegget ditt?

• Tilkopling, fråkopling, omlegging og reparasjonar på anlegg som er knytt til vatn- og avløpsnetta til kommunen er søknadspliktige etter plan- og bygningslova.  
• Du kan ikkje utføra arbeid på vass- og avløpsanlegget ditt sjølv.
• Kontakt røyrleggjar, så hjelper dei deg å planleggja og utføra arbeid på vass- og avløpsanlegget ditt.  

Viss fleire eigedommar er kopla på, og deler, same vatn eller avløpsleidning, har dei eit felles ansvar for vedlikehald og utbetring av feil. Dersom kommunen oppdagar feil på felles leidning, vil alle som er kopla på få krav frå kommunen om å utbetra feilen.  

Har de felles vatn eller avløpsrøyr, vil det i mange tilfelle finnast ein felles avtale. I nokre tilfelle vil denne vera tinglyst.  

Du kan sjølv sjå kva som er tinglyst på din eigedom ved å gjera eit søk på nettsida: Se eiendom - Søk og finn info om en eiendom (kartverket.no) . Dette er ei gratis innsynsløysing frå Kartverket som krev at du logger inn gjennom ID-porten.  

Dersom det ikkje finst ein tinglyst avtale, tilrår kommunen at de tinglyser ein avtale som omhandlar eigar- og ansvarsforhold. Les meir informasjon: Tinglyse rettigheter og avtaler | Kartverket.no  
 

Vass- og avløpsgebyr

Når ein eigedom blir tilkopla kommunale vass- og avløpsleidningar, må eigar av eigedommen betala tilknytingsgebyr.  

Tilknytingsgebyret må betalast for både eksisterande bygg og nybygg som skal kopla seg til vatn- og avløpsleidningane til kommunen.  

Du betaler berre for det du koplar deg til.  

Kommunen sender faktura for tilknytingsgebyret samtidig som søknad om sanitærabonnement er innvilga.  Årleg avgift startar ved ferdigattest / midlertidig bruksløyve.  

Storleiken på tilknytingsgebyra blir fastsette årleg av kommunestyret.  

Pris for tilknytingsgebyr

Nokre gonger oppstår det problem med avløpsnettet, og problemet kan ha fleire åsakar.

Problemet kan til dømes vera klokklukt i og utanføre bustaden, tette røyr, lekkasjar og kloakksamling i terreng.

Kontakt oss viss du mistenkjer at problema kan komma av feil på dei kommunale røyra.

Har du mistanke om at det lek frå privat kloakk eller overvassrøyr må du kontakta rørleggar og forsikringsselskapet ditt så snart som råd.

Viss du har septiktank eller minireinseanlegg, skal denne blir tømd regelmessig for å unngå problem. Suldal kommune har avtale med IVAR IKS om tømming. 

Tømming utanom rutine kan bestillast direkte frå Om slamtømming - IVAR Renovasjon Ryfylke (ivarryfylke.no)

Tomteeigar har sjølv ansvar for eige overvatn blir teke hand om på ein trygg måte. 

Sjekk at slukar og ristar er frie for greiner, lauv og anna som kan hindra at regnvatnet renn dit det skal.  Viss du vil knyta deg til ein kommunal ledning for overvatn må du kontakta rørleggar. 

Viss du har mistake om lekkasje må du kontakta røyrleggar.

Teikn på vasslekkasje er:

• Lyd, støy eller during i hus og røyr  
• Endringar i trykk eller vassmengd  
• Rennande vatn i terrenget når det burde vore tørt  
• Lyd eller vatn som renn frå kummar

I tilfelle der me me har ei vassprøve som viser at drikkevatnet er forureina. dendar me ut kokevarsel.  Då er det viktig at du følgjer dei råda som blir gitt. Me vil halda deg informert undervegs, og ny beskjed blir sendt ut når vatnet er trygt å drikka igjen.  

Me visar også til Folkehelseinstituttets råd for kokevarsel. Her finn du meir informasjon om korleis du bør koke drikkevatnet. Hva bør du gjøre hvis du får beskjed om å koke drikkevannet? - FHI 

Meld om feil