Verneområde

Naturreservatet dekker eit areal på om lag 25 dekar og blei verna i 1984. Verneområdet ligg rundt 2 km aust for Jelsa kyrkje i vestre del av Suldal. Føremålet med vernet er å ta vare på ein typisk blåbær-eikeskog og eit verdifullt landskapselement.  

Frå vernereglane for Barkeland:  

• Vegetasjonen er freda mot skade og øydelegging.  
• Det er forbode å fjerna planter frå reservatet - nye planteartar må ikkje førast inn.  
• Det må ikkje setjast i gong arbeid som kan endra dei naturlege vekstvilkåra.
• Motorisert ferdsel er forbode.  
• Sanking av sopp og bær, bruk av skogen til beite og vedhogst er tillate. 

Verneforskrift for Barkeland naturreservat

Naturbase: Barkeland naturreservat

Naturreservatet dekker eit areal på om lag 73 dekar og blei verna i 2000. Verneområdet ligg i ei søraustvend li på nordsida av Sandsfjorden, 4 km nordaust for Hebnes.  

Føremålet med vernet er å ta vare på eit eldre naturmiljø der ein finn eit tydeleg innslag av kristtorn i uvanleg finvaksen furuskog. I sør står nokre større kristtorn på beitemark som del av verdifullt kulturlandskap omkring. Førekomsten er mellom dei som ligg lengst inne i fjordane.  

Frå vernereglane for Bjørklund:

• Vegetasjon er freda mot skade og øydelegging.  
• Det er forbode å fjerna planter frå reservatet – nye planter må ikkje førast inn.  
• Dyreliv, reirplassar m.v. er freda mot skade og øydelegging.  
• Det må ikkje setjast i gong arbeid som kan endra dei naturlege vekstvilkåra.  
• Idrettsarrangement, jaktprøve og anna organisert bruk av reservata er forbode.  
• Motorisert ferdsel er forbode.  
• Sanking av sopp og bær er tillate.  

Verneforskrift for Bjørklund naturreservat  

Naturbase: Bjørklund naturreservat 
 

Naturreservatet dekker eit areal på om lag 5 900 dekar og blei verna i 1999. Verneområdet omfattar eit kupert åsparti nord for Suldalslågen og vest for Ritlandsvatnet. Føremålet med vernet er å sikra eit skogområde med alt naturleg plante- og dyreliv. Området er eit stort og skogrikt furuskogområde som er typisk for Indre Ryfylke.  

Frå vernereglane for Drotningheia naturreservat:

• Vegetasjon er freda mot skade og øydelegging.  
• Det er forbode å fjerna planter frå reservatet – nye planter må ikkje førast inn.  
• Dyreliv, reirplassar m.v. er freda mot skade og øydelegging.  
• Det må ikkje setjast i gong arbeid som kan endra dei naturlege vekstvilkåra.  
• Idrettsarrangement, jaktprøve og anna organisert bruk av reservata er forbode.  
• Motorisert ferdsel på land og vatn er forbode.  
• Sanking av sopp og bær er tillate.  

Verneforskrift for Drotningheia naturreservat

Naturbase: Drotningheia naturreservat   

Dette området er eit av mange sjøfugl-reservat i Ryfylkebassenget, og består av eit fuglefredingsområde og naturreservat på nærliggjande holmar, Tjuvholmen og Klumpholmen. Fuglefredingsområdet dekker eit areal på om lag 48 dekar, samt eit sjøareal på 125 dekar, medan naturreservata utgjer til saman 32 dekar.  

Det blei verna i 1984 og føremålet med vernet er å bevara områdets fugleliv og fuglane sitt livsmiljø, samt alle plantesamfunn og dyreartar som er ei naturleg del av området.  

Frå vernereglane for Foldøy fuglefredingsområde: 

• Vegetasjon er freda mot skade og øydelegging.  
• Fugl og deira reir og egg er freda mot all skade, øydelegging og uroing.  
• Jakt, fangst og bruk av skytevåpen er forbode frå og med 1. mars t.o.m. 1. september.  
• Hund må ikkje sleppast i jaktforbods-perioden.  
• Tiltak som kan endra dei naturlege leveområda kan ikkje gjennomførast.  
• Beiting og gjødsling og fiske for yrkesfiskarar er tillate.  

I naturreservatet gjeld i tillegg:

• Pattedyr er freda.  
• I tida frå 15.april til og med 1. august er det forbode å gå i land og ferdast i reservata.  
• Camping m.v. og oppsetting kamuflasje o.l. er forbode.  

Verneforskrift for Foldøy fuglefredingsområde

Naturbase: Foldøy dyrefredningsområde  

Naturbase: Tjuvholmen/Klumpholmen naturreservat  
 

Naturreservatet dekker eit areal på om lag 7 078 dekar og blei verna i november 2016. Verneområdet strekk seg frå Tyssefjorden og Hålandsdalen til eit småkupert høgdeplatå rundt 700 m.o.h. Hålandsdalen naturreservat vart etablert i 2013 ved frivillig avtale med grunneigaren, som ein del av Staten si satsing på frivillig skogvern. Ved kongeleg resolusjon av 25. november 2016 vart verneområdet utvida. Føremålet med naturreservatet er å bevare eit område som representerer ein bestemt type natur i form av eit stort samanhengande skogsområde frå lågland til fjell med edellauvskog, temperert regnskog og eldre furuskog som er lite prega av nyare inngrep.  

Frå vernereglane for Hålandsdalen naturreservat:

• Vegetasjon er freda mot skade og øydelegging.  
• Det er forbode å fjerna planter frå reservatet – nye planter må ikkje førast inn.  
• Dyreliv, reirplassar m.v. er freda mot skade og øydelegging.  
• Det må ikkje setjast i gong arbeid som kan endra naturmiljøet.  
• Idrettsarrangement eller andre større arrangement er forbode.  
• Brenning av bål er forbode.  
• Sanking av bær og sopp er tillate.  

Verneforskrift for Hålandsdalen naturreservat

Naturbase: Hålandsdalen naturreservat 

Naturreservatet dekker eit areal på om lag 500 dekar og blei verna i 1999. Verneområdet er ei kupert og for det meste grunnlendt øy i den ytre delen av Sandsfjorden. Føremålet med vernet er å sikra ei heil, furuskogdekka øy utan inngrep. Noko tilsvarande er ikkje kjend elles i Vest-Norge.  

Frå vernereglane for Kjølvikskorpa naturreservat:

• Vegetasjonen er freda mot skade og øydelegging
• Nye planteartar må ikkje førast inn, og planting og såing av tre er ikkje tillatt.e
• Dyreliv, reirplassar m.v. er freda mot skade og øydelegging.
• Tiltak som kan endra det naturlege livsmiljøet kan ikkje gjennomførast.
• Bålbrenning er forbode på Kjølvikskorpa.
• Idrettsarrangement, jaktprøver og anna organisert bruk av reservata er forbode.
• Sanking av sopp og bær, jakt, fiske og beiting er tillatet.

Verneforskrift for Kjølvikskorpa naturreservat

Naturbase: Kjølvikskorpa naturreservat 
 

Naturreservatet dekkjer eit areal på om lag 11 385 dekar. Det blei vedtatt verna i desember 2017 og er tufta på ordninga med frivillig vern av skog. Verneområdet ligg søraust for Suldalsvatnet mellom Kvilldal og Bråtveit. Føremålet med naturreservatet er å verna eit stort samanhengande skogsområde med bratte skoglier frå lågland til fjells, og som er lite prega av nyare inngrep. Området inneheld fattig boreal og boreonemoral furuskog og lauvskog, men har også innslag av mellom anna eldre boreonemoral edellauvskog og haustingsskog av alm, ask og andre edellauvtrer.  

Frå vernereglane for Strandaliane naturreservat: 

• Vegetasjonen er freda mot skade og øydelegging
• Nye planteartar må ikkje førast inn, og planting og såing av tre er ikkje tillatt.e
• Dyreliv, reirplassar m.v. er freda mot skade og øydelegging.
• Det må ikkje setjast i gong arbeid som kan endra dei naturlege vekstvilkåra.
• Bruk av naturreservatet til større arrangement er forbode.  
• Sanking av bær og sopp er tillate.  

Verneforskrift for Strandaliane naturreservat

Naturbase: Strandaliane naturreservat 
 

Naturreservatet dekker eit areal på om lag 60 dekar og blei verna i 1984. Verneområdet ligg på nordsida av Hylsfjorden på nedsida av vegen like aust for Vanvik, og like vest for Ørland. Føremålet med vernet er å ta vare på ein ask-almeskog med stor artsrikdom og innslag av sjeldne planteartar. I ettertid har det vist seg at denne lokaliteten er ein av dei rikaste i fylket når det gjeld raudlisteartar og regionalt sjeldne artar.  

Frå vernereglane for Ørland naturreservat:

• Vegetasjonen er freda mot skade og øydelegging.
• Det er forbode å fjerna planter frå reservatet - nye planteartar må ikkje førast inn.
• Det må ikkje setjast i gong arbeid som kan endra dei naturlege vekstvilkåra.
• Motorisert ferdsel er forbode.  
• Sanking av sopp og bær, bruk av skogen til beite og vedhogst er tillatet

Verneforskrift for Ørland naturreservat 

Naturbase: Ørland naturreservat 
 

Naturreservatet, ei øy som ligg i Sandsfjorden, dekker eit areal på om lag 508 dekar og blei verna i november 2020. Føremålet med forskrifta er å ta vare på eit område som representerer bestemte typar natur på ei innlandsøy i fjordlandskapet med svært variert skog frå fuktig nordvendte lier til eksponert tørkeutsatt skog. Området har trua og sjeldan natur i form av boreonemoral regnskog med artar som krev mykje råme, samt artar som lever på edellauvtre.  

Frå vernereglane for Øyna naturreservat:

• Vegetasjonen er freda mot skade og øydelegging.
• Det er forbode å fjerna planter frå reservatet - nye planteartar må ikkje førast inn.
• Dyreliv, reirplassar m.v. er freda mot skade og øydelegging.
• Det må ikkje setjast i gong arbeid som kan endra dei naturlege vekstvilkåra.
• Bruk av naturreservatet til større arrangement er forbode.  
• Sanking av bær og sopp er tillate.  

Verneforskrift for Øyna naturreservat

Naturbase: Øyna naturreservat 

Naturreservatet dekker eit areal på om lag 1 123 dekar og blei verna i november 2020. Verneområdet ligg i Sauda og Suldal kommune, og består av austvendt liside under FV520 ned mot Saudafjorden mellom Ås og Solland. Føremålet med forskrifta er å ta vare på eit område som representerer bestemte typar natur i form av rik lågurtmark med særs høge bonitetar, edellauvskog med alm, ask, eik og hassel, med einskilde styva tre av alm og ask og med innslag av bekkekløfter og elver.  

Frå vernereglane for Vikaneset naturreservat:

• Vegetasjonen er freda mot skade og øydelegging.
• Det er forbode å fjerna planter frå reservatet - nye planteartar må ikkje førast inn.
• Dyreliv, reirplassar m.v. er freda mot skade og øydelegging.
• Det må ikkje setjast i gong arbeid som kan endra dei naturlege vekstvilkåra.
• Bruk av naturreservatet til større arrangement er forbode.  
• Sanking av bær og sopp er tillate.  

Verneforskrift for Vikaneset naturreservat

Naturbase: Vikaneset naturreservat

Naturreservatet dekker eit areal på om lag 11 713 dekar og blei verna i november 2020. Verneområdet består av skaret mellom Hylsfjorden og Suldalsvatnet med kringliggande skogsliar og fjell. Føremålet med vern er å ta vare på eit område som representerer ein bestemt type natur i form av eit større samanhengande skogsområde frå fjord til fjellhei. Her er  stor variasjon i skogsnaturtypar frå varmekjær edellauvskog med alm, ask, lind og hassel til gamal barskog dominert av furu. Her finst og skog og bekkekløfter med høg luftfuktigheit, og med fleire sjeldne og raudlista artar. Området inneheld kulturminne som eldre tuftar, husmannsplassar og einskilde store styvar av alm og ask.  

Frå vernereglane for Hylsskaret naturreservat:

• Vegetasjonen er freda mot skade og øydelegging.
• Det er forbode å fjerna planter frå reservatet - nye planteartar må ikkje førast inn.
• Dyreliv, reirplassar m.v. er freda mot skade og øydelegging.
• Det må ikkje setjast i gong arbeid som kan endra dei naturlege vekstvilkåra.
• Bruk av naturreservatet til større arrangement er forbode.  
• Sanking av bær og sopp er tillate.  

Verneforskrift for Hylsskaret naturreservat

Naturbase: Hylsskaret naturreservat