Borgarleg vigsel

De kan reservera dato for vigsel før de har motteke prøvingsattesten.

Dette skal du gjera elektronisk via dette skjemaet.  Dette må gjerast i god tid, og seinast tre veker før bryllaupsdato.

• vigsler blir gjennomført fredagar mellom kl 13.00 og 15.00.
• ein datofesta laurdag i kvar månad i mai, juni, juli og august
• når elektronisk bestilling er motteke sender kommunen eit stadfestingsbrev på dato og tidspunkt

Du må senda prøvingsattesten til kommunen seinast 3 veker før vigselen.

Vigsla skal først og fremst føregå i kommunestyresalen på kommunehuset. Dersom det er ei mindre gruppe som deltek under seremonien fungerer Formannskapsalen godt. Kommunehuset er universelt tilrettelagt. Det er mogleg å sjå salen før vigselen ved å avtala tid for det hjå Organisasjon og innbyggarkontakt på kommunehuset.

Kommunen sørgjer for det praktiske med oppsett av blomar og lys.

Ved behov for tolk må de bestilla tid for vigsel i god tid før vigselsdagen. De kan legga inn beskjed om tolk i kommentarfeltet «Andre opplysningar» på søknadsskjema.

Tilbodet er gratis for innbyggjarane i Suldal kommune så lenge du vil gifte deg i lokalet me tilbyr.

For par som ikkje er busette i Suldal er pris kr. 1000,- for vigsel i kontortida.

Er det ønskje om vigsel andre stader og til andre tider enn det som er fastsett må brudefolka dekka kommunen sine faktiske utgifter, minstepris kr. 2000,-.

1 januar 2009 fekk Noreg kjønnsnøytral ekteskapslov og personar av same kjønn kan inngå ekteskap. Tidlegare inngådde partnarskap kan omgjerast til ekteskap ved søknad til folkeregisteret.

Brudeparet vil få tilsendt midlertideg vigselsattest (kopi av underskreve prøvingsattest).  Kommunen sender den underskrivne prøvingsattesten til folkeregisteret som utsteder endeleg vigselsattest.

Sjå Vegen til ekteskapet - steg for steg.

Bestill prøvingsattest hjå skatteetaten.no