Dersom du har langvarige utfordringar med å få lån i ordinær bank, kan du søkja startlån. Startlån kan gi deg moglegheit til å få ein nøktern og rimeleg bolig.
Kva kan me hjelpa med?
Startlån kan nyttast til:
- Kjøp av bolig (fullfinansiering eller samfinansiering med ordinær bank)
- Refinansiering dersom du står i fare for å mista boligen din
- Nødvendig utbetring av bolig
Korleis søkje?
Dersom du vil søkje om startlån må du søkja elektronisk via Husbanken sin nettside. Du må ha BankID for å kunne søkja.
Søk startlån på Husbankens nettside.
Hvis du ikkje har BankID eller treng hjelp til å søkja kan du ta kontakt med saksbehandlar i kommunen.
Kva er søknadsfrist?
Du kan søkja om startlån heile året
Kva kostar det?
Det er gratis å søkja om startlån. Dersom du får innvilga lån vil det koma etableringsgebyr på lånet.
Kva skjer vidare?
Søknader blir handsama fortløpande, og saksbehandlingstida vil variera avhengig av søknadsmengda. Du kan forventa svar innan fire veker.
All kommunikasjon om søknaden vil skje inne i Husbanken sitt system.
Vedtaket vil gi deg meir informasjon om kva du skal gjera vidare. Det er derfor viktig at du les vedtaket nøye.
Dersom du får innvilga lån, kan du starte jakta på eigen bustad. Val av bustad må godkjennast av kommunen før du legg inn bud. Store renovasjonsobjekt blir vanlegvis ikkje godkjende.
Når du har vunne budrunden, må du levera signert kjøpekontrakt til kommunen så snart som mogleg. Då får me ordna eit nytt vedtak og produsert nødvendige lånedokument.
Kan eg klaga?
Ja, klagefristen er tre veker frå du mottar vedtaket. Klagen må innehalde grunngjeving for klagen og eventuelle nye opplysningar i saka