Om planstrategi

Planstrategi gir ei oversikt over kommunens strategiske val knytt til samfunnsutvikling. Den inkluderar mellom anna langsiktig arealbruk og miljøutfordringar. Dessutan vurderar planstrategien kommunen sine planbehov i valperioden. 

Planstrategien er ikkje ein plan i seg sjølv, men eit verkty som sett rammene for kommunens plansystem, planressursar og samla planbehov. Målet er å avklara kva planoppgåver som skal prioriterast for å møte kommunes behov. I tillegg vurderar planstrategien behovet for å revdera kommuneplanen.

Kommunestyret i Suldal vedtok i møte 19.juni å legga forslag til Planstrategi 2024-2027 ut til offentleg ettersyn jamfør plan- og bygningslova § 10-1.

Les forslag til Planstrategi 2024

Høyringsperioden

Forslag til planstrategi skal gjerast offentleg før kommunestyre si endelege handsaming. I høyringsperioden vil både overordna mynde og privatpersonar kunne koma med innspel. 

Høyringsfrist: 19.08.2024

Innspel sendast til postmottak@suldal.kommune.no eller ved å fylla ut skjema for høyringsuttale.